جستجو

تبلیغات


    تبلیغات شما در اینجا

هاشیم یاران - صمد چایلی

    داشکسن دره سی توتقون گورونور

    ائله بیل یار غاندا ، بولاق داریخیر

    او دونموش سککی یه دومان هورونور

    کوهولو قار توتوب ، اوتاق داریخیر

     

    سویودلر یاس توتوب غملی دیر بو چاغ

    گول چیچک بوکولوب ، باخ باشدان آیاق

    دره یه چن چوکوب سیزلاییر یارپاق

    آغاجلار قولوندا ، بوداق داریخیر


    یئل ده گن قلمه باش اگیر یئله

    نئیله سین یارپاقسیز ، یارسیز قلمه

    " یاران " ین اوزوده باتیب نیسگیله

    تورپاغا قاریشان ، یارپاق داریخیر

     

    نه توستو اوجالیر بیر یاتان اوددان

    نه آلاو گورسه نیر او باش بو باش دان

    بیر کهلیک قاققیلدیر ، یاسلی آغلاغان

    گوره نده " یاران " دا ، اوجاق داریخیر

     

    " خاللی دره " نین خالی آغلاییر

    " داش دربت " دوشونون سالی آغلاییر

    یئتدی مین آغاجین دالی آغلاییر

    بو باغی ساخلایان دایاق ، داریخیر

     

    اویونور انسانلیق یار گوره ن ایشه

    گویرتدی آغاجلار داغ دئشه دئشه

    کوتوکلر قویلادی یئر ائشه ائشه

    یار گئتدی دلبرسیز بو باغ داریخیر

     

    یار عمور آن لارین سپدی بو یئره

    آغاجلار کوکونه سو وئره وئره

    آدینا قاریشدی داشکسن دره

    داشلارا جان دئیه ن تورپاق ، داریخیر

     

    سن اکن آغاجلار آی " هاشیم یاران "

    آدینی ساخلایار آی " هاشیم یاران "

    " چایلی " یا اولدون یار آی " هاشیم یاران "

    آیریلدیق ، قلم له واراق ، داریخیر

     

    (هاشیم یاران - صمد چایلی - پیام آذربایجان – شنبه 29 بهمن 1390 – شماره 388 )


    این مطلب تا کنون 27 بار بازدید شده است.
    ارسال شده در تاریخ جمعه 8 ارديبهشت 1391
    منبع
    برچسب ها : داریخیر ,یاران ,هاشیم ,آغاجلار ,چایلی ,آغلاییر ,هاشیم یاران ,
    هاشیم یاران - صمد چایلی

تبلیغات


    Ads

پربازدیدترین مطالب

آمار امروز یکشنبه 3 ارديبهشت 1396

تبلیغات

محل نمایش تبلیغات شما

تبلیغات

محل نمایش تبلیغات شما

آخرین کلمات جستجو شده

تگ های برتر